L'oroscopo della settimana
Co ste temperature lo strologo non xe ca gabia dedicà massa tempo ale stee e domenega la ga anca pasà a magnare osso buco a Meda... Vedì voialtri
Ariete: No ste ciaparvea con chi ca non c'entra ninte: feve un esame de cosienza. L'amore el va un pocheto mejo rispetto a st'istà... Vedì voialtri cosa fare.
Toro: Sta stimana metì so' le corna e zerchè de usare i cervei... Ve servirà par tore dele decision importanti, sia pai schei che par l'amore. Ricordeve che la risposta se dentro de voialtri ma la xe... sbajà! Scherso...
Gemelli: Gavì mia vudo un bel fine stimana e gavì inisià el lunei un fià nervosetti: deve na calmada se no fasì ancora peso che quel ca xe. Ve consijo de sarare alcune question ancora par aria.