Oroscopo: come vignerghine fora la stimana de Carnevae
I capricorni i sarà anca stanche de brindare ma xe ancora luri i paroni del cielo. E, dopo l'istà che i ga vudo, i se lo merita anca. I sugerimenti delo strologo par vestirse a Carnevae
Ariete: Ben dai, podì mia lamentarve. Ben l'ammor e anca el sgobo, gavarì dele ocasioni ca non ve capitava da tempo. A sarì carini e brillanti, ma ocio al weekend: qualchedun podaria farve girar le bae e saria majo tasere... In maschera: Zorro
Toro: La sarà la stimana bona par sarare dei progeti ca gavì verti da tempo e ghe sarà na persona ca ve darà l'ok definitivo. El luni el sarà un fiatin sfigà ma el fine stimana podarì godervelo tuto, all'isegna del carnevae. In maschera: Thor
Gemelli: El sarà un bon periodo par el sgobo e i schei, roba ca no ve despiase. A sarì precisi e scrupolosi e ai capi ghe piase. El Carnevae, invesse, no veo godì pì de tanto: a sarì nervosi e antipatici. Ste casa In maschera: Hannibal Lecter
Cancro: Mamma mia, mejo starve distante. A sarì nervosi ca gnanca durante la dichiarasion dei rediti. Aprofitè dele prime ore dela stimana parchè dopo sarà el disastro, sooprattutto in amor In maschera: Paperino
Leone: Ben l'inissio dela stimana, sia in tel sgobo che con la fameja e i amici. A sarì carini anca coi morosi e tuto va ben, sopratuto da zobia in poi. Grendi feste de carnevale, muy erotiche... In maschera: Don Giovanni
Vergine: Molto per par i afari. Se gavì investimenti da fare, xe el momento giusto, el Capricorno ve iuta. Ben anca la salute, ca xe importante: cocoleve, magari andè anca in Spa a farve bei, parchè el weekend se preanuncia focoso. In maschera: Cicciolina
Bilancia: Nervosetti ah? E gavì anca rason. I fastidi no mancarà e gnaca le polemiche: se mia na bea stimana de carnevae ma ve consijo de sbatervene i cojoni e divertirve istesso. In maschera: Serial Killer a scelta
Scorpione: Le stee dise ca gavarì un bel po' de oportunità in tel setor dei viagi. Quindi, feve la valigia e ocio a no scordarve lo spasoline le mudande bee, parchè ghe sarà anca ocasion de far qualche conquista. El weekend, però, se torna in fameja, ca ve speta a bracia aperte In maschera: Dottor Jeckyll e Mr Hyde
Sagittario: In tel sgobo a fasì s-ciantisi, niente poe fermarve, sopratuto quei ca lavora coa partita iva. Verso la metà de la stimana anca l'amor va al top, sia pai single sia par chi ga morosi. Molto ben anca in tel fine stimana. In maschera: Lupin III
Capricorno: El vostro periodo bon el prosegue e el va ala grandissima. Ben in tel sgobo e ancha in tel studio, ben anca i schei, ca par voialtri xe importanti. El fine stimana poi... foghi de artificio: lasè da parte el lavoro e dedicheve ale feste e all'amor... CIN In maschera: Napoleone
Acquario: Ben in tel sgobo e il conto in banca se ne giova: qualchedun podaria anca darve qualche bel sugerimento par far investimenti, ma ocio... no al bar ;-) L'amor ve soride... ma ste tenti che Colombina e Arlechino i xe birichini. In maschera: Al Capone
Pesci: Anca par voialtri la stimana de Carnevae la va in gloria, zerchè de no mandarla in mona fasendo massa feste. L'amor el va benissimo, a sì romantici e tuto, ,a ocio a qualchedun ca voe romperve le bae. In maschera: La Sirenetta
