Oroscopo della settimana
Xe n'istà mata patoca ma lo strologo no ghe fa caso che tanto le stee xe anca pì mate del meteo...
TERA
Toro: A sì come el meto de st'istà... Mati patochi. Disemo ca non xe un periodo in cui a sì molto portà a caicolare con chi ve sta visin. In compenso ve va ben coi schei, se gavì un coloquio de lavoro, andeghe e sfoderè el vostro fassino. Sta stimana podarisi anca vendare na majeta usà de Pozzi a un turista de pasagio...
Vergine: Sta stimana vinsì l'oscar dela prefesion e ve consijo de aprofitare del momento par tentar de ragiunger quel obietivo ca sì drio puntare da massa tempo. In sti giorni podaria eser vostro. Ocio a non far massa tardi la sera, se no poi la matina a sii imbatonii e no ve vien bene ninte.
Capricorno: No so pì cosa dirve, no xe proprio periodo. Tute le vostre doti, grinta, inteligensa e perseveransa, le xe andà in ciupese in sto periodo. Ghe xe anca da dire ca la sfiga ve xe tacà dosso come na patina de sudore. Asse perdare e portè pasiensa.
