rotate-mobile
Martedì, 18 Gennaio 2022
Cronaca

Oroscopo vicentino dela stimana dal 11 al 17 aprie

"Aprie dolce dormire", anca se el nostro strologo el dorme volentieri anca tuti i altri mesi dell'anno. Ma chi dorme nol pija pessi... infatti el segno dela stimana xe l'Ariete (de novo!)

Ariete: A sì ancora na volta el segno de la stimana, a fasì fastidio! Del resto xe anca merito vostro parchè a sì carini e gentii con tuti, sia in femaja, che in tel sgobo che coi morosi. Se i single no i gà profità dele stimane precedenti anca questa la xe bona par catar sàù qualcosa de bon. CIN!

Toro: Cosa ghe xe ca non si boni de aver la vostra soita fiducia in voialtri? Fermeve n'atimo e penseghe sora, prima de tore decision. La metà dela stimana la andarà abastansa ben, mejo aprofitraghine parchè el weekend nol sarà dei mejio. 

Gemelli: In tee amicissie e in tel sgobo a sì bravi e gavarì sodisfasion... i problemi ghe xe in tea coppia. A barufè par qualsiasi roba e se sì singlè barufè parfin col specio. Mejo 'ndar fora coi compari e spetr el fine stimana, quando sarà ora de far pace coi morosi come ca savì voialtri. 

Cancro: A sì drio far massa casin ca non ve para da nesuna parte. Mejo fermarse, star chieti un atimin e magari domandar un consijo a chi che ne sa. Zerchè de no barufare co l'universo mondo, ca ve manda tuti in ciupese. Almanco l'amor el va ben, dai...

Leone: Zò dae brande, re dea foresta! Xe ora de svejarse fora e corer driti verso l'obietivo, ca el momento xe bon, sia in tel sgobo ca coi morosi. Xe anca el momento giusto par dedicarse alo sport, ca la prova costume xe visina...

Vergine: Sto giro la diplomassia xe el vostro punto forte. Quindi, via le timidesse e deve da fare a zercare nove oportunità in tel sgobo, ca se rivelerà vincenti, deme reta. Ghe sarà qualche bisticcio in fameja ma gavarì modo de rimediare in tel weekend

Bilancia: Hm, sta stimana saria mejo lasarve perdare. Se gavì la posibilità, feve in zaino e scomparì par qualche giorno, parchè sarà imposibie parlarve sensa barufare. Sopratuto in meso ala stimana a sì pegio de Hannubal Lecter... Zerchè de no copar nisun, ca da venare la va mejo.

Scorpione: Zerchè de incasinarve manco la vita, ca xe mejo: pensieri e robe semplici, deme reta, anca parchè podaria arivare na bea oportunità in tel sgobo e ris-ciè de far casin. A sì preda dea primavera... novo amore in vista?

Sagittario: Peteneve e vestive ben ca podaria eserghe l'oportunità de parlare davanti a tanta gente, no solo al bancon del bar come el solito. La roba importante xe ca zerchè de star chieti in tea prima parte dea stimana, quando sarì un po' massa barufanti. 

Capricorno: Lo so ca par voialtri no xe fassie, ma zerchè de star chieti e rilasarve. A sì un fiatin nervosetti (e gavì anca rason) ma cusì perdì la vostra legendaria rassionalità. Lasse perdare ex morosi e no xe el momento giusto par le amicisie. Portè pasiensa. 

Acquario: A gavì un botto de robe da fare ma sì energici e 'ndarà tuto abastansa ben: la fortuna xe dala vostra parte e voialtri sì carini con tuti. Qualche casin zobia e venare ma el weekend el sarà ardente tra i linsoi...

Pesci: Gavì bisogno de schei? Xe la stimana giusta: queo ca gavì lavorà in sti mesi el darà i so' fruti. Le stee dise ca ghe sarà grandi novità in vista: no ste spaventarve, parchè il cambiamento el sarà in mejo. Ocio al fine stimana, ca sarì nervosetti. 

Sullo stesso argomento

In Evidenza

Potrebbe interessarti

Oroscopo vicentino dela stimana dal 11 al 17 aprie

VicenzaToday è in caricamento