Oroscopo del 2016: come vignerghine fora sto anno

Ariete: Diesemo ca no sarà el vostro anno, ma podarì cavarvela pì che ben se sarì boni de afrontare i cambiamenti, parchè questi ve speta. Par far n'esempio: se il barista ga finiio el Camparì, provè la China in te lo spriss, magari ve piase.... Qualche problemin, invesse, coi schei, ma chi no ghi n'ha? L'augurio: No ste diventer vegani crudisti

Toro: A xe el periodo vostro in tel sgobo, scola etc, ma podarisi sentire el bisogno de qualcosa de diverso; no vacanse, cosa gavì capio?! No, qualcosa de spirituae, de sercare el senso dea vita, par capirse. E ala fine, podaria saltar fora anca l'amore... Cosa vuto ca ve diga? Cusì voe e stee... L'augurio: Compreve calsini novi.

Gemelli: L'inisio no sarà mia massa bon. ve lamentè tanto pai schei, anca se li gavì spesi voialtri, parchè lavorè massa, parchè in famejia i rompe i cojoini. No xe mia cusì ca se afronta le cose, anca parchè xe colpa vostra! Da setembre le robe le ndarà mejo. L'augurio: compreve el disco dei Green Day.

Cancro: Ghe sarà da fare fin setembre, ve o digo subito. Tantissimi impegni e non sempre rivarà le sodisfasion ma, se ve fidè de mi, con l'autuno podarì meterve ala finestra e vedarè come ca i fruti vien sù. L'augurio: compreve na baleta antistress

Leone: Xe el vostro anno, no gavì scuse. Le stee prevede grandi sucessi in tuti i campi, dal lavoro ala camera da leto e anca al bar coi amici. Magari vinsarè perfin el torneo de calcetto. Ancora mejo da setembre in poi... cose dirve... ofrì da bere! L'augurio: Scorte de champagne.

Vergine: Cominsio subito con un consojio: zerchè de aver fiducia in voi stessi! A fasì sempre tuto ben, ve aplichè, sì precisi... cossa xe ca ve manca?! Moeghea de barufare e rognare con chi ve sta visin e zerchè invesse de pasar par voialtri! L'augurio: feve domande e dasive risposte.

Bilancia: A sarì decisi e determinati e questo xe ben ma dovì anca vardare i vostri difeti e podarì eser ancora mejo. L'anno el sarà bon se sarì boni de ciapr dentro ale ocasion ca rivarà e sempre ocio alo speceto retrovisore.L'augurio: Portè l'auto a netare

Scorpione: sarà un bell'anno, così dise e stee e i pianeti. A sarì dolci, passionali e sensuali e chi che xe single podarà trovar qualchedun e par chi ga morosi xe el moneto giusto par vardare in grande. Ghe sarà anca el momento par tojerse qualche sodisfasion. L'augurio: metive a dieta. 

Sagittario: N'anno de rincorsa, ste tenti a non inciampare, sopratutto in tea prima parte, ca Giove e Nettuno i fa mia i simpatici con voialtri. De bon ghe xe ca gavì grinta da vendere e tuti i se ne acorgerà e le sodisfasion le rivarà. L'augurio: Tanta pasiensa

Capricorno: Sarà n'inissio anno un po' in salita ma voialtri se no ghe xe dificoltà no ve divertì gnanca. Bon, come sempre, grinta e intuito, ma sto giro dovarì anca adatarve ai cambiamenti, ca par voialtri no xe fassile, ma na volta ca gavì ciapà le misure... L'augurio: geometra sotoman

Acquario: El sarà un anno beissimo. I conti col passato i sarè (e gera anca ora) e el futuro ve riserva sorprese beissime e tante nove oportunità. Tigneve a menti i obiettivi parchè sto giro ghe a fè. L'augurio: No set sbronsarve massa.

Pesci: Marria santa, che fadiga. Sto giro no la gira e voialtri gavì solo in mente de piazzarve in tel divan a vardar la tv. No xe mia sbaja, ma almanco zerchè de avere el frigo pien. El augurio: Portè pasiensa.