rotate-mobile
Mercoledì, 26 Gennaio 2022
Cronaca

Oroscopo: come vignerghine fora dal 7 al 13 marso

Neve, piova, parfin el graupel... tute ste intemperie noe ga però fermà lo strologo ca xe riusio, no se sa come e dove, a leser le stee

Ariete: Nisun pol resisterve sta stimana e ogni giorno che pasa la ndarà mejo. Coi morosi va tuto ben e se sì single a sarì circondà de proposte mooolto appetitose. Cambiè i linsoi e compreve le mudande da festa. CIN!

Toro: Finalmente quee rognette in fameja le xe drio risolverse e, coa Festa dela Dona, a sarì anca particolarmente romantici. GHe sarà anca qualche novità in tel lavoro, e anca qualche spostamento (no dal leto al divan, ala tola e al leto). El fine stimana sarà tranquio: magari un bel filmeto?

Gemelli: La sarà mia na bona stimana: a sarì nervosetti e fastidiosi... magari no ve piase le mimose? Cerchè de star chieti ma no afosarve in tea poltrona, in tel fine stimana podara eserghe qualche bel risvolto romantico e anca picante

Cancro: Ghe sarà una serie de novità, prepareve. No ste fare i tacagni par la Festa della Dona, ca mamme e morose se speta qualcosetta e podaria anca eser l'ocasion giusta par far qualche conquista. Ocio che da qualche parte ghe xe Rocco Siffredi... 

Leone: A sarì brilanti ma anca un pocheto massa vanitosi e orgogliosi... fa parte dea vostra natura, se sà, ma zerchè de moderarve. No ste dar reta a chi ve provoca ma dedicheve, pitosto, ai morosi: ghe sarà bee sodisfasion. 

Vergine: Sta stimana dovì star tenti: no conta l'aparensa, ma la sostansa. Lo che lo savì, ma zerchè de no scrodarveo, ca ghe xe qualchedun ca voe ciavarve (e no in leto...). Xe el momento giusto par far pace con qualchedun ca gavì barufà tempo fa... penseghe ben: ghin valeva la pena?

Bilancia: La sarà na stimana de conquiste, parecieve par ben. Speremo ca ve piassa le mimomese, parchè le femene ne riceverà tantissime. Sarà anca na stimona bona par fare amicissime e, se no gavì morosi, podaria saltar fora qualche conquista...

Scorpione: Gelosetti sta stimana? bhe, metivea via e zerchè de no romper massa i cojoni ai morosi, ancha parchè le stee dise ca i birichini podarisi eser proprio voialtri! Ve speta bee serate coi amici e quea conquista ca xeri drio spetar da tempo podaria eser de drio l'angolo...

Sagittario: Disemo ca no la xe mia la vostra stimana, portè pasiensa: el divan xe mia un bruto posto dove pasare le serate; mejo ca barufare in volta. Ghe xe anca qualchedun ca ga proprio deciso de romperve i cojioni... assè perdare. 

Capricorno: La sarà na stimana serena, godivea!, voialtri ca sì sempre stresà. Coi morosi, coi amici o anca da soli, voialtri a starì ben e no ghe xe rogne o scassacojoni ca sarà boni de rovinarve le giornate. Na roba: zerchè de soridere de pì. 

Acquario: Stelline e cuorici par voialtri. Andarì d'acordo con tuti e sorrisi e cocoe no mancarà, sia in tel lavoro ca in famejo ca coi morosi. sa sì single, xe ora de tirar fora el vostro fassino co la persona ca ve piase: podaria eserghe na bea sorpresa...

Pesci: La sarà na stimana positiva, sopratuto coi altri e coi morosi in particolare ma parecieve parchè sarà el fine stimana el top: el consijo xe de prenotarve na bea vacanseta da qualche parte...

Sullo stesso argomento

In Evidenza

Potrebbe interessarti

Oroscopo: come vignerghine fora dal 7 al 13 marso

VicenzaToday è in caricamento