rotate-mobile
Sabato, 2 Luglio 2022
Cronaca

Oroscopo: come vignerghine fora dal 7 al 13 dicembre

Mercatini e brulè i imperversa durante el fine stimana ma el nostro strologo, stoicamente, non el ga mancà de inviare l'oroscopo. Brao!

Ariete: La roba mejo xe se ste chieti. La sarà na stimana difisie parchè gavi lassà massa robe in sospeso e, come se sà, i nodi i vien al petine. E voialtri parì Bob Marley. Consiglio: #assèperdare.

Toro: Sta stimana no ve rompe i cojioni nisun e xe mia poco. El rivarà anca un discreto cueo, che no el guasta mai, ma ocio a no eser massa pienassi se no gnanca ve acorsarè. Consiglio: #feveunspriss

Gemelli: Ve a ricordè a canson "Che confusione...etc" che la canta anche in Sud? Eco... a sì vitima dea indecision, come sempre, e no savì ben cosa fare. In tel dubio, la solusion vostra xe far ancora pì casin. Consiglio: #stechieti

Cancro: Na notissia bona e una cativa, prima quea bona: quea persona ca ve piase tanto xe cusinà a puntin... feve soto. Quea cativa: el vostro umore xe 'ndà a Gardaland, sù e sò. Consiglio: #noagitarve. 

Leone: La sarà na stimana un fiatin stramba, robe bee e robe brute ca se sussegue velocemente. gavarì bisogno de tuta la vostra rasionalità, ca no a xe prorprio efficiente. Consiglio: #nosteciaparvela

Vergine: Sta stimana la parte maissimo ma la finirà in gloria. Se tute le rogne le riva subito, voialtri a sarì talmente bravi ca sbolognarè tuto entro el weekend e alora spassio ai divertimenti. Consiglio: #godivea. 

Bilancia: Come posso dirveo... Voialtri ve impgnè, anca, ma no cavè un ragno dal buso, anzi... a fasì ancor pì casin. Le persone intorno no e ve iuta, ansi, e voialtri gavarisi vojia de sararve in casa fino al 2016. Consiglio #portèpasiensa. 

Scorpione: Molto bene amici, sta stimana la gira ben! L'unica roba xe ca dovì sacrificarve n'atimin par el lavoro e saltare qualche festa, parchè gavì bisogno de tute le energie. Consiglio: #primaeldovere

Sagittario: Finalmente xe el vostro momento. ve lo sì sudà e gavarì tute le energia ca ve serve par avere sucesso in tute le robe ca fasì. Quei depresi i starà mejo e quei in bona i fà s-ciantisi. CIN! Consiglio: #ofrireungotoalstrologo

Capricorno: La sarà na stimana in bianco e nero anca se no sì juventini. Anca se ve impegnè come al solito, le robe no le riesse mia e a voialtri ve ruga un atimin... ma no ste preocuparve massa! Consiglio: #relax

Acquario: No podì mia lamentarve. A sarì de otimo umore e questo contribuisse a farve far le robe ben. Se dovì comprar casa xe el periodo giusto, se no gavì schei pasiensa, contenteve de altro Consiglio: #divertiveancamassa

Pesci: Ocio ca ghe xe qualchedun ca vol torve pal naso. Ste chieti e no ste dar reta nisun fin zobia, quando ca le robe le 'ndarà mejo e, in tel fine stimana, ve va tuto ben, coi amici e coi morosi. Consiglio: #nosteagitarve. 


 

Sullo stesso argomento

In Evidenza

Potrebbe interessarti

Oroscopo: come vignerghine fora dal 7 al 13 dicembre

VicenzaToday è in caricamento