Oroscopo: come vignerghine fora dal 30 al 6 dicembre
Natale xe drio avicinarse e quindi se moltiplica feste e brindisi. ve lassemi imaginare cosa cal ga fato lo strologo in sti giorni... comunque l'oroscopo xe rivà
Ariete: Ve lo digo fasie, sarà mia na stimana semplice. I capi ve rompe i cojioni e no sarà mia fassie vignerghine fora ma cerchè de tener duro parchè dicembre el sarà in discesa. Ocio a no strafare e portè pasiensa.
Toro: La seconda parte de la stimana la sarà beissima, la prima manco. A sarì nervosetti e saria mejo starve distante parchè gavì voja de tacar briga con tuti. Dopo, invesse, a sarì energici ca metà basta.Ste tenti a non speder massa pai regali de Natae...
Gemelli: Xe el momento giusto par zercar novi spunti lavorativi ma serchè de non barufare, sopratuto marti e mercore e sopratuto in casa e coi morosi. Par el resto ve speta un fine stimana tuto relax e riposo. Stuè el telefonin e vardeve la tv. Qualchedun podaria fare el birichin anca sa el xe impegnà...
Cancro: Metemoa cusì: la sarà na stimana bona par el lavoro ma pessima con la fameja e coi morsi: baruffe coi primi e letargo coi secondi. El me consijo xe de ocuparse de una question importante, klassà là da tempo, ca podaria risolvarse.
Leone: Ocio ae tasche. Ve piase fare i splendidi, ok, ma no sì mia Rockfeller: par Natae no ocorre svenarse, basta un pensiero fato ben e con affetto. Bone notissie pai single: xe la stimana bona par far conquiste e par quei immorosà la camera da leto la sarà... rovente! CIN!
Vergine: Alora, stampeveo bene in tea testa: natale coi tui... Anca se non ve piase e no ghi n'avì voja. Consoleve col sgobo: andarà tuto ben e finalmente podarì ragiungerè quel traguardo ca inseguì da tempo.
Bilancia: Sì pronti par rimbocarve le manghe? Sì, parchè xe ora. gavì un fiatin de robe in sospeso e questo xe el momento giusto par cavervee dae balote. Ben anca in tel tempo libero (poco): divertive!
Scorpione: la stimana la inissia no ben ma dopo ve riciapè... fideve. Quindi, evitè de 'ndar magnare con gente poco simpatica, ca dopo la pissa ve resta sul stomego. Ve speta un weekend "muy suino", come dise la gazzatta...
Sagittario: Se no ve fasì ciapr dala pressia andarà tuto ben. La xe na stimana bona par sarare alcune question ca gavì lassà par aria e anca par avere incontri galanti. Ocio a no essere massa imbiaghi...
Capricorno: Ambissiosi lo sì zà, sta stimana ancora de pì e le sodisfasion noe manca, in tel sgobo e nelo studio. Benissimo anca coi morosi, vardè ca San Valentino xe ancora distante, ma cerchè de star chieti in tel fine stimana... nervosetti!
Acquario: Benon, finalmente le rognette xe drio risolvarse, al manco in tel sgobo. L'inissio stimana sarà duretto pal raporto coi morosi: a sì massa gelosi! deve na calmada e pensè a divertirve, invesse.
Pesci: Ahammariasanta, no la xe mia la stimana vostra. Nervosi come se non ghe fusse un doman, a fasì s-ciantisi come na razza. Un consijio, vardeve al specio, a sì sexy: approfittè
