rotate-mobile
Cronaca

Oroscopo: come vignerghine fora dal 19 al 25 otobre

No ste domandarne come ma el strologo xe riuscio a consultar le stee anca se xera innuvolà. No voria mai ca el se a sia tolta cusì grossa da veder roba ca no ghe jera...

Ariete: Oh, vardè ca San valentino xe a febraro... a sì cusì ciapà dall'ammor ca no se poe ferquentarve. Ma a voialtri ciava ninte parchè gavì oci solo ca pai morosi... Qualchedun xe drio sgarare però: ste tenti ca se el coniuge ve beca xe cassi vostri. Almanco zerchè de far pì atension al lavoro, ca el capo el se rabia...

Toro: Ah benon, sto giro ste tuti tenti ca i Tori i xe in caccia. Fassinosi come un tronista, a fasì conquiste a tutto spiano, anca tra le mura domestiche. Al lavoro la va talmente ben ca xe difisie riconoserve. Ocio ca a metà stimana qualche rompi cojoni tentarà de fregarve. Bevighe sora (metaforicamente!)

Gemelli: Birichini ca non sì altro! A sì stufi dea solita minestra e sì drio vardarve intorno... Ma par eser sexy no ste andar in giro in mudande, ca l'influensa xe drio l'angolo e, se la ciapè, ve tocarà rinunciare a qualche feston ca i amici i ga in programa. 

Cancro: Xe la stimana giusta per el lavoro, quindi zò dala branda e deve da fare ma ocio a chi ca gavì intorno parchè ghe xe qualchedun ca voe ostacolarve. Durante el fine stimana gavarì bei momenti con la fameja ma anca bei festoni coi amici. 

Leone: Ciapeghe dentro in tea prima parte dea stimana parchè dopo la Luna ve va de traverso e sarì simpatici come un calcio in tei cojoni. Invese in sti primi giorni gavarì posibilità de far conquiste sentimentai e de andar ben in tel lavoro. Dave na mossa. 

Vergine: Anca se ve par strano (anca a mi), sta stimana chi xe solo troverà l'amor, queo vero e duraturo. Se volì star single, quindi, mejo se ste casa. Anca in tel sgobo va tuto ben e podarisi avere na bea proposta. Penseghe sù, ma no massa parchè pasà el santo pasà el miracolo.

Bilancia: Sta stimana no va ben ninte, ma proprio ninte, e sì anca bruti. El consijo ca ve do xe de darve na sistemada, tipo andè dal paruchiere e ve comprè un paltonsin novo, e lasè stare la zente, ca sta stimana ve voe mia massa ben. 

Scorpione: A sarì un fiatin nervosetti, però la sarà na bona stimana, sia coa gente ca in tel sgobo e le stee dise ca riva anca schei. Ocio a non sputanarli tuti in tel fine stimana al bar coi amici, ca ga sempre tanta sen. Pitosto, ste casa a divertirve fra i linsoi, ca farì faville. 

Sagittario: Sto giro a sì na bomba sexy. Anca se no sì beissimi, nisun par resistere al vostro fassino e mi ve consijo de ciaparghe dentro anca parchè le robe podaria guastarse proprio in tel fine stimana. Quindi... deve na mossa. 

Capricorno: Ogni tanto eser un fià cativi nol guasta e a voialtri no ve riese gnaca difisie. In tel sgobo arivarà cusì dei bei sucesi e anca co le persone care gavaì bei momenti. Coi morosi fasì s-coantisi e chi zè in cerca, trovarà. Ben!

Acquario: La sarà na stimana in rosa: ndè d'acordo con tuti e coi morosi gavarì bei momenti romantici. Le stee ve sugerise de organisarva par el fine stimana co na bea gita, ca movarse dal divano qualche volta fa ben. 

Pesci: Ah marria santa, sto giro va ben ninte, ma proprio ninte. Ghe xe qualche parente ca la ga co voialtri, no se capisse ben parchè e voialtri no podì farghe ninte. Portè pasiensa e zerchè de no copar nisun. 

 

In Evidenza

Potrebbe interessarti

Oroscopo: come vignerghine fora dal 19 al 25 otobre

VicenzaToday è in caricamento