rotate-mobile
Sabato, 2 Luglio 2022
Cronaca

Oroscopo: come vignerghine fora dal 18 al 24 majo

Majo xe el mese dele rose ma per lo strologo no xe mia una question de profumo o spine, par lù xe un ingrediante par far na bona graspa. Ne ga scrito l'oroscopo da drio al fojo dela riceta...

Ariete: Alla carica, tosi! I pianeti i xe tuti par voialtri e se ghe xe qualchedun che continua a dir de no ale vostre beissime proposte xe ora de agire, parchè el sbaja. Gavì do posibilità: o ve la sughè a biliardin (tanto sì fenomeni) o lo mandè in  mona e ve rangè. 

Toro: Pì che un bestion, sta stimana sembrè un oseleto indifeso. Sì drio rifugiarve in fameja, anca parchè come cusina la mama no cusina nisun, ma ste tenti a non barufare nel uikend, se no le lassa a stecheto.

Gemelli: Benon. Se sì drio tore decision importanti, savì ca podaria cambiarve la vita, a partire da st'istà. Ben par quea robetta ca gavì in sospeso col giudice e ben anca l'ammor. 

Cancro: Come dise la reclame "Relaaaaax": non sarà n'anno de sc-iantisi ma, come se dise, "nesuna nova, bona nova". E qualcosa de bon podaria anca capitarve. Come tuti, gavì bisogno de afeto e podarisi trovar qualchedun. Se no, ghe xe sempre l'affettato. 

Leone: Al vostro fassino felino sta stimana no resiste nisun. Tolì na stimana de ferie e entrè in calore. No se mia periodo ca capita spessissimo e xe mejo ciaparghe dentro. Dopo le sfighe dei ultimi do anni, ve lo meritè anca. Ocio all'alitosi, che fassino va ben ma ca non copè qualchedun co un baso.

Vergine: Precisini come ca sì, ve lo digo sempre, a sì drio organisar le ferie del 2017 ma i pianeti fa mia quelo ca disì voialtri e xe inutie ca ste in ansia. Qualchedun, però, ve voe ben e qualche preocupasion podaria pasar a metà stimana. Zerchè de non trovarghine subito n'altra...

Bilancia: Disime co chi andè e ve dirò chi ca sì. Se frequentè zente come voialtri o capricorni, arieti e cancri xe cassi vostri: podarì avere qualche barufon ma tuto se risolve, magari co e gambe soto la tola.

Scorpione: Deghe dentro finchè i morosi non ve manda in mona. Giugno no sarà mia un mese bon par le relassioni. Poco mae: gavì pì energia del bomber Cocco quando ca xe in vena e xe mejo sfrutarla. 

Sagittario: A se inutie ca ste lì a rosegarve le ongie mentre spetè na risposta, tanto la riva la stimana prosima. Anca par voialtri, i pianeti xe drio barufare. Ste chieti e tolive 'no spritz.

Capricorno: No ste rabuiarve subito. La stimana pasà xe ndà ben, sto giro contenteve. Savemo ca par voialtri xe na bestema, ma così a xe. In tempi de magra anca un gioso de queo ala spina va ben.

Acquario: Se inutie ca ve rabiè anca col gato, che tanto no ve scolta. La bona sorte riva in agosto, con l'afa asasina e le sansare, ma no xe colpa de nisun. Magari deve na regolada, ca ormai in tea machina podì coltivar patate. Ocio in tel uikend, ca sarì nervosetti: basta graspa, pasè ala camomila. 


Pesci: No ste spaventarve ma ghe xe dele tension planetarie, ca non ve fa mia ben sul lavoro. Podarisi anca decidere de mandar tuto in mona ma ocio: la sarà na decision definitiva. Ste tenti a non trovarle dala padea de Cracco ala brase de Gordon Ramsey...

In Evidenza

Potrebbe interessarti

Oroscopo: come vignerghine fora dal 18 al 24 majo

VicenzaToday è in caricamento