Oroscopo: come vignerghine fora dal 14 al 20 marso

Ariete: Le robe le va ben sta stimana, a sì vitai, popolari e parfi in bona. In tel sgobo rivarà bee sodisfasion e nol xe el caso de tirarse indrio. Ste tenti a no predere la concentrasion e rivarè al fine stimana volando: ve spetarà dolci sorprese

Toro: Dinamici in te lavoro, xe el momento de farse vedare dai capi e dai coleghi, sensa sboronare però! El top riva a metà stimana e in tel weekend sarà el momento de ampliare el giro

Gemelli: Ghe xe tension, anca par colpa de qualchedun ca voe proprio varve girar le bae. Zerchè de star chieti anca parchè ghe xe un problema groso da risolvere con urgensa e no sarà mia fasie.  Aseè stare le polemiche e concentreve, ca xe mejo. 

Cancro: gavarì un boto de bone idee ca ve darà la posibilità de afrontare qualca imprevisto: a sì creativi. Dala metà dela stimana xe tuto in discesa, quindi pensè ad archivar le rognette parchè el fine stimana sarà me-mo-ra-bi-le CIN!

Leone: Xe el momento de far qualche investimeno, le stee dise ca la va ben (poi no ste ciaparvela con mi però). Ghe sarà qualche spesetta in fameja ma no ste preocuparve. Weekend impegnativo pai single... metive le mutande bee

Vergine: Qualche rognetta in fameja da risolvere: zerchè de star calmi e un atimin pì toleranti, anca se par voialtri no xe fasie. All'inissio de la stimana ghe xe qualcdun ca rompe un pocheto massa i cojoni ma tirè drito, ca poi tuto se giustarà. 

Bilancia: A sì ij vena de far festa, anca massa! E alora dai, ve sì fati el masso in sti mesi, xe anca giusto concederse qualche svago. Ocio ai schei fasili, però: la truffa la xe drio l'angolo. El weekend el sarà focoso...

Scorpione: Xe el momento de sarare una bea tratativa ma dovì eser gati: pasà el santo, pasà el miracolo. Stimana bona par el lavoro, parchè sarì bei brilanti e inteligenti. Ben anca coi morosi e, se sì single, la preda xe a portata de mano. 

Sagittario: Gavì barufà con qualchedun? Se pensè ca ne valga la pena, fasì voialtri el primo paso. Spetè magari la seconda parte de la stimana, quando ca sarì manco nervosetti. Se cagvì coloqui de lavoro o impegni de scoa, mejo rimandare, anca coi morosi se volì evitar discusion inutii. 

Capricorno: Xe un buon momento par 'ndar vandi co na serie de robe ca gavì in mente da tempo. Ciapè in man el telefono, fisè l'apuntamento e via driti in tel obietivo, sia de lavoro che de leto. Ocio ai giorni in meso ala stimana: ghe sarà un poco de nervosismo

Acquario: La sarà na stimana un poco incasinà: qualchedun xe mete in dieta, qualchedun magnarà massa. Vardeve intorno ben bene: ghe xe qualcosa da cambiare quanto prima e la grinta la gavì e anca i novi contatti i riva

Pesci: Ghe saràuna serie de ocasion da ciapare al volo, quindi no dormire! L'inissio dela stimana non el sarà entusiasmante ma le robe le 'ndarà mejo con l'andar dei giorni. Corajio!