rotate-mobile
Blog

Oroscopo vicentino della settimana dal 29 al 4 settembre

Vacanse par chi lavora le xe finie e i altri "i va comnadare col tratore in tangensiale", el dise. Lo strologo xe riusio a ciaparsi in ritardo anca sto giro parchè, el dise lù, xera in coa da Jesolo

Ariete: La xe na stimana decisamente bona, l'unico problema xe ca ve voe un cincinin de ingegno e par voialtri no xe mia sempre semplice. Ghe xe da dire, però, ca gavì un certo sprint, sopratuto tra i lensoi...

Toro: Ahia. I spaca maroni sto giro no i manca, in particola i vecioti. Del resto, se andè sempre a bevare al circolo dea briscoa, ve la ndasì anca a cercare. Coi bocie, invese, podarisi fare la figura dei sagi (fa ti...). Quindi, cambiè bar. 

Gemelli: La xe sta n'istà piena de sodisfasion e bote de cueo e... va avanti cusì. Sia al sgobo ca nel tempo libero, la gente ve dimostra de volerve ben, anca parchè, dise le stee, a sì proprio simpatici. E anca i morosi no la pensa divrsamente. Ben. 

Cancro: No a sarà mia na bea stimana. Barufarè tantissimo, sopratuto coi parenti. La roba bea xe che le stee dise ca l'unica roba che ve salva xe... el feston! Quindi, se lo dise lore...

Leone: Molto ben! Tuti ve voe ben e ghe piase star con voailtri, sia in tel sgobo sia coi amici. Il che farà ben ae vostre finanse. L'unica roba xe ca spendarè tuto a far festa... va ben, pasiensa...

Vergine: L'inisio de la stimana no sarà mia el masimo ma ve riciaparè verso mercore e ndarà tuto ala grande. Quindi, nisuna paura e via bereta fracà in tel sgobo, che a voialtri ve piase anca. Se ve ricordè de tirar fora i morosi dai armadi (o dai freezer) magari ve scapa anca qualche bea ciavada e i pì birichini podaria trovarla fora de casa...

Bilancia
: Tuti i sà ca gavì el bracin curto e, forse, xe anca par questo ca qualchedun no verda mia massa ben e qualcun, al sgobo, gode a meterve i bastoni tra le rode. Magri ofrighe un goto, ca va sempre ben. Se xe astemio, chel se copa. El weekend sarà rovente e no par el meteo... 

Scorpione: Marria santa a sì cusì rompibae ca no ve se poe gnanca vardar da distante. Se a gente cambia marciapie magari no xe mia colpa del deodorante sbajà ma xe parchè gavì un demonio su na spala. Anca i morosi ve ga mandà in ciupese però, in tel fine stimana, troverè consolasion...

Sagittario: Così el deto "cavar sangue dai muri"? Eco, aver da rasonare con voiatri xe na pena ma co la vostra grinta a sarisi anca boni de conquistar tuti. El fine stimana fasì s-ciantisi: ricordeve de lavarve i pie. 

Capricorno: Alè, el periodo bon prosegue e, come ve piase a voialtri, el mojo lo dasì in tel sgobo. Xe imposibile starve drio e tuti ve stima, anca parchè lavorè par 10 e lo fasì anca ben. Ghe xe n'atimo da tribolare e come sempre nisun ve da na man ma a voialtri no ve ne cale.

Acquario: Ahi, ste tenti ca la vostra pasiensa xe moooolto limità e ris-ciè de esplodere da un momento al altro. La roba mejo saria de ciapar tuti uno par uno e ciarire le robe. Ocio però parchè se de apuntamento a tuti al bar ve vegnerà la cirrosi...

Pesci: A sì proprio dei bravi pesetti, sto giro. Diligenti e simpatici anca col can del pignattaro, sta bea condision ve portarà boni risultati sia al sgobo che coi amici, ma no coi morosi. Eh, pasiensa. 

In Evidenza

Potrebbe interessarti

Oroscopo vicentino della settimana dal 29 al 4 settembre

VicenzaToday è in caricamento