rotate-mobile
Blog

Oroscopo vicentino de la stimana de Natale

No se poe mia star sensa oroscopo proprio durante una dele stimane pì bee ma anca pì teribili de l'anno: la stimana de Natae. Curì de qua curì de là par far i regai, cene e brindisi la sera co amici e coleghi. Eco cosa dise el strologo, anca con la prevision de cosa ve porta Babbo Natale

Ariete: De bon ghe sarà che magnarè come se non ghe fusse un doman, ma ocio a quelchedun ca voe proprio rompere i cojioni. Zerchè de portar pasiensa e concentre su bigoli e rosti. Regao soto l'albero: un grapin par digerire

Toro: Sarà na Viglia beissima, davero. Andasì d'acordo con tuti e tuti ve voe ben e ve fa i auguri volentieri. Le giornate le pasarà serene e, par na volta, no gavì da barufare con nisun. No ste barare a scala 40. Regao soto l'albero: il pigiama de Peppa Pig

Gemelli: A sarì elegantissimi sto Natae. Ve ciapa cusì e tuti ve farà i complimenti. Non solo: a sarì anca boni e perdonarè qualchedun ca magari non seo merita. Bravi! Con fameja e morosi dolcessa e tuto ben. regao soto l'albero: bijetto de la lotteria de capodanno

Cancro: Marria santa, gavarì tantissime robe da fare e questo no aiutarà in tei raporti con fameja e morosi. Portè pasiensa ca dala Vigilia in poi le robe le 'ndarà mejo e magnarè el paneton in pace (mica come Mourinho). Regao soto l'albero: dvd de un cinepanettone a caso

Leone: La stimana la inissia in salita, mi veo digo. No ste spaurarve (non sia mai) e zerchè de rivare a Nate sensa copar nisun, che poi le robe le n'darà mejo. Soprattutto la Vigilia a farì s-ciantisi ma ocio a non bere massa! Regao soto l'albero: i guanti sensa dei

Vergine: Par voialtri sarà un Nate de riflession. Le feste le ndarà ben ma xe anca el momento de tor na decision importante: no ste spaurarve, torvarè quela giusta. Zerchè de farve vedare in giro, ca ghe xe gente ca voe farve i auguri. Regao soto l'albero: un libro de Fabio Volo

Bilancia: Gavrì un fiatin da fare prima de Natae e ve consijo de segnarve tuto, se no poi ve desmenteghè. Le giornate dea festa le sarà bee e serene, ma ocio a no intavolar discusion, ca ve va de traverso el pandoro. Regao soto l'albero: foto autografata da Amedeo Minghi

Scorpione: L'umore el xe mia dei migliori e co sta roba dee feste ve sentì nervosi e fora posto. Zerchè de evitar polemiche inutii e, se proprio no ghe a fasì, deve par malà. Par Santo Stefano la andarà mejo. Regao soto l'albero: mudande osè

Sagittario: Tantissime sorprese in sto Natae e voialtri sì tuti felici e contenti, anca se la compagnia no la xe quea giusta. No ste dar retta ai scasamaroni e pensè a divertirve. Regao soto l'albero: infradito a forma de pesse

Capricorno: Sta stimana ve godarè i risultati del duro lavoro de sti mesi. Ovviamente gavarì lo steso da sgobare ma almanco a sì contenti e podarisi anca sfoderare qualche soriso. In fameja tuto ben, ocio a qualche dun ca ve rompe i cojoini fora. Regao soto l'albero: no sbageo da docia

Acquario: A sarì un fiatin nervosetti ma zerchè de non dar retta a chi ve provoca. Fasive i cassi vostri, anca a costo de farve un giretto de pì al bar. I amici i ve zerca e gavarì un bel po' de brindisi da fare. regao soto l'albero: El capotin pal gato

Pesci: Ve do na notissima bmba: sarà un Natae de pensieri inteligenti! Sarà pai brindisi, sarà pae feste... insoma, gavì el zerveo che va a mille. Roba ca i parenti no ve riconosse, zerchè de profitarghine. regao soto l'albero: sugaman da tasca

In Evidenza

Potrebbe interessarti

Oroscopo vicentino de la stimana de Natale

VicenzaToday è in caricamento