Oroscopo vicentino dal 21 al 27 novembre
Ridendo e schersando semo zà quasi a fine novembre. El strologo xe drio meditare de partir par el Messico par evitare tute le feste ma intanto el gà mandà questo...
Ariete: Sto giro gavarì da fare i conti con lo sciopping sfrenao ca ve ga colto in sti giorni: i conti no i torna. Ghe xe da dire ca no ve ne ciava un cassoe ca proseguirè la stimana in serenità, coi amici e i parenti. Ocio però a farve ofrire...
Toro: Sto giro no ghi nè par nisun: a sì popolari ca metà basta e anca in tel sgobo la va ben. A sì un fiatin ciapà coe feste ma, ve sugeriso, gavì zà pensà ai regai de Natae? Poi ve ciapè massa tradi...
Gemelli: Ah, non demo mia ben. Ghe xe malumori in fameja e altre rognette: mi ve consijiaria de star chieti na s-cianta che la secondo metà dela stimana la ndarà un pocheto mejo. Dedicheve ale publiche relasion
Cancro: Uff, a sì pigri ca metà basta. deve na smossa sa non volì diventar obesi. E ve sentirè meno in colpa quando ndè a farve o spriss. Ben pal lavoro e robe bone coi amici in tel weekend. Morosi... assè perdare
Leone: Gavì ciapà qualche multa o xe rivà un conto inatteso? No ste imbronciarve, se pai schei no a va mia massa ben, coe persone care xe un buon periodo e no xe mia poco. Oci però a non spender massa pai regai.
Vergine: No si mia abituà, ma sto giro la sarà duretta anca par voilatri. Zerchè de star chieti e de no agitarve, ca gavì i morosi ca ve tien sù. Ghe sarà un fiatin de casin con tuti, ma se portè pasiensa tuto se giusta...
Bilancia: Sarà na bea stimana, serena e piena de robe interesanti. Gavì bone persone atorno ma ocio a no stancarve massa parchè el fisico nol rege pì come na volta... riposeve.
Scorpione: A ve speta giorni beissimi, anca se no ve i sì merità. Sgobo, fameja, amici... va tuto ben ma ocio a marti ca gavarè la Luna roversa. Zerchè de portar pasiensa, ca se no rovinè tuto.
Sagittario: Alora, xe la vostra stimana. Coe persone care andarà tuto par el mejo, anca se non sì abituà, e quel progetto ca gavì in mente da tempo xe ora de tojere la polvere. Tuti ve voe ben e, versì e recie, ve stima. Non ste perdare el colpo!
Capricorno: A sì chiacciasassi, come sempre, ma sto giro, in più, gavarì anca na s-cianta de cueo. Che mae, no el fa, vero? Quindi, andasì vanti par la vostra strada ma ocio a no stancarve massa... Ogni tanto podì riposare anca voialtri.
Acquario: Ve o digo subito: a sarì boni de trionfare su tute le rognette. Troppo fasie eser bei quando ca va tuto ben. El vostro trucco vincente sarà de soridere davanti ale sfighette: sto giro no ve ferma nisun! CIN!
Pesci: Hmmm, ce consijo de concentrarve n'atimin su queo ca sì drio fare. A sì un fiatin distratti e anca robe semplici, a casa e al sgobo, ris-cia de scaparve di man. Dai, ste tenti n'atimin che poi in tel fine stimana ve trasformarè in telo squalo tigre.