rotate-mobile
blog

Oroscopo vicentino dal 19 al 25 setembre

Con la bea luna chel ghe xe in cielo no se sa come lo strologo cabia posudo lesere le stee, anca parchè xera da venare de sera chel festegiava el Vicenza... Fasì voialtri

Ariete: Disemo ca no xe la vostra stimana... In tel sgobo girè a vodo come la difesa del Vicensa sabo scorso e chi ve sta visin ve rompe i cojoni. Spetè el fine stimana, ca ve darà sodisfasion... tra i linsoi.

Toro: Se gavì rogne legali, sta stimana dovaria risolvarse, ma no ste basarve solo sul'oroscopo, mejo ciamare l'avocato! Coi morosi, invesse, va mia bassa ben, xe come se fusse vestii de rosso. Anca voialtri spetè el fine setimana ca se prevede un gran festòn. 

Gemelli: El cueo ve compagna, come sempre e la sarà na stimana alla gradissima soto tuti i punti de vista. Sì sexy come Johnny Depp prima de la cura ingrasante e anca parenti e amici ve voe sempre intorno parchè a sì boni. Benon! 

Cancro: Gavì la luna storta ca pì storta no se poe. Barufè con tuti e le stee no le poe aiutarve se girè co la dopieta in man e no par andar a nutrie... Deme reta, stasì boni ca xe mejo

Leone: Chi xea chea bea personcina ca ve brama tanto? Se no lo gavì capio parchè sì tonti, vardè chi ve mete sempre "me piaxe" su feisbuk. Bon anca el sgobo, se risolve veci problemi.

Vergine: Come sempre a sì diligenti e quindi sicuri de voialtri e va ben cusì parchè si drio far giusto. Anca coi morosi la va ben e sarì particolarmente fassinosi. Ciapeghe drento.

Bilancia: Bhe, intanto auguri se compì i anni sta stimana. No ve desmenteghè del vostro strologo preferio, ca un goto oferto fa sempre piacere. Dopodechè, le robe le va muy bien in tuto, quindi, bando ae ciance: CIN!

Scorpione: Par quei ca xe ambisiosi xe na stimana bona: i successi in tel sgobo i riva o i rivarà presto. Sta roba però non fa ben alla vita sentimentae: deme reta, dedichè pì tempo ai morosi o ala fameja.

Sagittario: Ve ricordè chei schei ca gavì prestà e pì visto? Eco, sta stimana podaria tornare indrio. Ve convien star chieti in sti giorni parchè le stee prevede un weekend de fogo in tea camera da leto... o dove ca volì.

Capricorno: A sì drio fare un casin drio che l'altro in tea prima parte de la stimana! Ste boni, par carità, deve malà, se no vien sù un disastro. Mejo la seconda parte de la stimana, magari progetè un viageto.

Acquario: Come podaria dire... a sì energici come l'orsetto duracell. Quindi, da mi ste distante, ca no me piace la gente agità, ma se un momento bon par fare sport e robe varie. Chi cerca moroso, podaria trovare...


Pesci: Alora, se un periodo un fiatin sfigà ma no ste agitarve ca non serve, ansi. Portè pasiensa ca poi la stimana se indirssa e ghe xe qualchedun ca ve voe tanto ben... corajo!

Sullo stesso argomento

In Evidenza

Potrebbe interessarti

Oroscopo vicentino dal 19 al 25 setembre

VicenzaToday è in caricamento