rotate-mobile
Giovedì, 30 Maggio 2024
Blog

Oroscopo vicentino dal 12 al 18 decembre

Non ghe xe gnanca da dire che el weekend de lo strologo xe sta all'insegna del derby e xe ancora disperso a far festa. In ogni caso xe riusio a farne recapitare questo...

Ariete: la sarà na stimana de tribolasion, metivea via e, pitisto che rabiarve, armeve de pasiensa. De bon ghe xe che le stee in questo ve iuta, dandove na bea energia. Consijio: No ste spender massa, ca sì' drio esagerare

Toro: ve lo digo subito, no i sarà mia giorni massa facili: baruffe, sfighe, casini i rivarà come se no ghe fusse un doman. Voialtri no ve fasì spaurare e nde vanti par la vostra strada, con prudensa! Consijio: fasì ginastica

Gemelli: Ciò, no ste butarve sò massa! Come sempre, no gavì misura e sì drio perderve in te un bicer de acqua. Mejo el vin! Xe anca un bon modo par fare nove amicissie... ma serchè de chiarve con quei veci, se gavì barufà. Consijio: deghe dentro coi morosi ;-)

Cancro: Marria santa, che permalosi! Qualchedun ve farà n'oservasion ma, invese ca saltar sù, zerchè de ragionarghe sora. L'ammor xe beissimo, co sto clima natalissio e chi xe single trovarà da far. Consijio: Evitè baruffe inutii. 

Leone: A sì in bea forma e gavì parfin voja de andar in palestra. Ocio parchè no serve far ginastica se dopo ve sgionfè de dolsi e prosecchi. I morosi i xe gelosi, zerchè de farve capire se sì bravi o de fare mejo i furbi se sì birichini. Consijio: Dedicheve ale feste

Vergine: Moooolto ben. Fasì dei bei progresi in dee robe ca ve interesa e rivaraà anca schei, che soto Natae n fa mai mae. Coi morosi a sì carini e luri i ve ripagarà, ocio a qualche sfighetta in tel fine stimana. Consijio: Mejo eser diplomatici

Bilancia: La sarà na bona stimana par el lavoro, dove che il vostro fassino davarà boni risultati ma no se poe dire altretanto coi morosi, ca ve sfiga n'atimo. Fasivene na rason e dedicheva ai amici. Consijio: Ocio ai mali de stagion

Scorpione: Zerchè de ciaparve dentro in tei primi giorni de la stimana, ca dopo riva qualche rognetta. Ste chieti, sia al lavoro ca in fameja, se no la sarà tuta na barufa e no ve fa mia ben: a sarì boni de superar tuto con grande fassino. Dedicheve a nove conoscenze, molto interesanti... Consijio: Deve na petenada

Sagittario: Quea roba ca gavì tanto desiderà xe drio averarse, quindi zerchè de no eser insemenii. Non solo: ghe sarà anca qualche bea sorpreseta, anca in te le amicissie. La sarà na stimana calma, da dedicare al fameja. Consijio: Riposeve

Capricorno: Come sempre il tel sgobo la va, ca someje ala Pelegrini quando ca la ghe da dentro. A sì rimasti un fiatin indrio coi regali de Natae, deve na smossa ca poi ve catè al ultimo. Molto bene coi amici, coi morosi e anca con qualche nova conquista Consijio: Ocio ai goti

Acquario: Oh, ste chieti ca no xe mia na tragedia. A sì agità ca metà basta e questo no ve iuta in ninte. Se fasì i bravi, la seconda parte de la stimana la ndarà ben soto tuti i punti de vista. Consijio: Organisè na festa

Pesci: I ve ga lassà da soi a sbrigar su tuto? Eh, pasiensa, ormai xe fatta. Rimbocheve le mangehe e deve da fare, ca le robe no le se giusta da soe. Magari zerchè de capire dove che gavì sbajà par trovarve in sta situassion. Consijio: No ste ciaprvea massa

In Evidenza

Potrebbe interessarti

Oroscopo vicentino dal 12 al 18 decembre

VicenzaToday è in caricamento