Oroscopo dela stimana dal 18 al 23 aprie
El stologo se gaveva ciapà Pasquetta de ferie e xe andà alo stadio... Chisà cosa chel ga visto in tee stee con la depresion ca el gaveva intorno
FOGO
Ariete: Gavì el garbin sta stimana. Mejo starve distante o ze cornade. Zerchè de rilasarve parchè xe el vostro anno e no ve lo tole nisun, ve agitè par ninte. Magari moeghea de farve el cafè coreto ale 7 col vostro amigo camionista serbo.
Leone: Barufanti! Anca se no podì lamentarve de gnente si drio tirar su casin con tuti, sopratuto ex ("Ma non dovevamo vederci più?" el cantava el risso) e parenti. ma quei xe serpenti e ceste. Segneve: se dovì parlar con qualchedun, i giorni boni xe marti, mercore e domenega, quando no sbranarè nisun.
Sagittario: Oh Signor, ca difisili ca sì! Vardè ca non si mia dei fotomodei, ah! Voialtri zerchè la "persona perfetta" ma no ste desmentegarve de vardarve anca al specio! Mejo ca andè farvi un gireto par conto vostro, ca el tempo xe beo
