Oroscopo della settimana
Inebrià dala prima vitoria del Vicensa al Menti dopo tempi immemori (11 mesi), lo strologo gera particolarmente inspirà... ma dai fume dell'alcol
Ariete: La stimana no la cominsia mia ben par questione de cuore: i morosi no xe contenti e ve domanda "chiarimenti". Na volta risolta sta rogna, ne riva n'altra, sul lavoro. Corajo.
Toro: Finalmente xe rivà el vostro momento: peteneve ben, laveve, vestive decenti ca nisun sarà in grado de resistere al vostro fascino. Grandi conquiste pai single e grandi sodisfasion par quei imorosà. Anca i coleghi che rompe... fora dae bae sta stimana. CIN!
Gemelli: Stimana cusì cusì, ste tenti, pì che altro, ala salute: no sport estremi, tipo ndar fora ancora coi vestii estivi. El lavoro va benon. Consiglio: concedive un po' de relax da qualche parte.