rotate-mobile
Cronaca

Oroscopo vicentino dela stimana del 2 al 8 majo

Sarà anca majo ma a Campogrosso ghe xera la neve e lo strologo el ga pasà el weekend a grappe. Questo xe queo ca xe vignù fora quando che el ga vardà le stee

Ariete: Ocio ale scarsele parchè la sarà na stimana de spese, tra un bagolo e l'altro. Se coi schei la va mia ben, consoleve coa bona salute. ca xe la roba pì importante, e coi morosi, ca i sarà particolarmente... focosi (go fato anca la rima!)

Toro: Ghe sarà qualchedun de molto particolare co voialtri, o in tel sgobo o in tel ammmor: mai paura! A sarì boni de gestire la situasion e ghin cavarè anca qualche vantagio. Par el resto godeve na stimana de oro, sopratuto tra i linsoi... CIN!

Gemelli: A gavì da star tenti no una, no do, ma tre volte e forse no xe bastansa. Ste chieti in tel sgobo, ca el boss xe nervoso, e magari dedicheve al vostro sport preferio, la sedusion! Anca qua ocio ai tempi però, se no i ve manda in ciupese. 

Cancro: La sarà na stimana piena de bee novità e de voja de farghine. Saria el momento ideale par partire par na vacansa ma, se no podì, zerchè su Vicenzatoday cosa ca ghe xe da fare qua introno... Bee sorprese in vista!

Leone: Questo par voialtri xe el momento de seminare, no de racogliere. Portè pasiensa e fasì el vostro... i risultati i rivarà. Ghe sarà qualche rompiscatoe ca torna dopo un po' de tempo, portè pasiesa anca par de lì: no ste sbranarlo, ca no xe gnanca bon. 

Vergine: La vostra natura precisina la trionfa sta stimana. Tute le robe le xe aposto, come ca piase a voialtri, e podì andar vanti col santo. L'unica roba xe ca dovì tegner un fià a bada la lingua. Ricordeve ca xe el mona ca sa sempre tuto...

Bilancia: Mentre tuti i xe strachi, voialtri a sì pimpanti ca metà basta: ma de cosa ve feo?! Schersi a parte, a xe un bel periodo par far le robe, rompibae a parte. Deve da fare e no ste spender massa schei

Scorpione: Hm, a sì sta un fiatin massa mona in sto periodo. Ocio che chi ve sta intorno, morosi inclusi, podaria averghine aprofità. Tire sù e recie e versì i oci. El fine stimana el sarà all'insegna della pasion pì sfrenata, no ste perdarve in giro a sagre 

Sagittario: A sì massa nervosetti, sensa veri motivi: mejo xe ve tolì na camomilla o un goto de quel bon e ve de na calmada. No ghe xe motivo de ciaparsela anca col gato. La stimana la sarà stuzzicante verso metà... ciapeghe dentro. 

Capricorno: Uff, a gavì anca roto i cojoni col vostro muso lungo! Pì che gavì e manco sì contenti: basta! Fasì un soriseto ogni tanto, ca le robe le xe drio andar ben, anca coi morosi. Bone notissie anca pai single ma ricordeve ca l'ammor vien mia sonarve casa... Andè fora!

Acquario: A sì drio barufare anca col gato e xe necesario ca ve metì e trovè na solusion: le robe le se ga n'atimo intrigà. Se fasì un bon lavoro, la stimana la sarà in discesa, co un bel fine stimana ca ve riserverà bee sorprese

Pesci: A sì tuti ciapà dala primavera: chi che ga i morosi non vol altro ca fare l'amor e i single i xe in caccia. Ocio però che el sgobo el va mia vanti da solo: dè na chietà ai ormoni, ve sfogarè in tel weekend.

In Evidenza

Potrebbe interessarti

Oroscopo vicentino dela stimana del 2 al 8 majo

VicenzaToday è in caricamento