Oroscopo vicentino dela stimana dal 4 al 10 aprie
Xe sta un fine stimana primaverie e se stava proprio ben sentà fora a berse un spritz. Ora la stimana la scominsia e lo strologo ne spiega come vignerghine fora anca sto giro
Ariete: La sarà na stimana perfetta, sia in tel sgobo che in te l'ammor, dove podaria eserghe qualche s-ciantiso de gelosia ma xe anca beo, no? Chi che ga i morosi i gavarà un gran daffare tra i linsoi e chi che xe single ga bone posibilità... Bea gita in vista CIN!
Toro: Ve gavemo speso consijà de star chieti e de non perder la trebisonda... Sti giro, invesse, xe ora de sfogarse e de cavarse dai cojioni chea persona che la continua a ostacolarve. Dopo la buriana dela stimana, ve speta un ben weekend seren e divertente. Tignì bota.
Gemelli: El sarà un inissio de stimana caraterzà da qualche baruffa, anca parchè voialtri a sì un fiatin nervosetti. No ste perdarve parchè dopo le robe le 'ndarà ben e podaria anche averarse un bel progeto ca gavì in balo da tempo...
Cancro: No la xe mia la stimana giusta per le relassion in tel sgobo. A gavì voja de barifar con tuti e tirè su question ancha quando ca no serve. Zerchè de star chieti e, pitosto, dedicheve ai morosi e ala fameja, ca ve comprende de pì.
Leone: Decisamente a sì in piena primavera... dei sensi. A sì iresistibili e insasiabili e i morosi i xe contenti e anca i single trovarà par dar sfogo ala pasion. No ste stracarve massa parchè in tel sgobo podaria rivar na proposta da valutare con atension.
Vergine: Mejo starve distante, sopratuto i primi giorni dela stimana. A sì nervosi ca metà basta e starve visin xe imposibie, anca parchè veramente rompì i maroni. Sareve sù e tornè fora verso venare, ca la luna poi ve passa.
Bilancia: Ste tenti nel portare avanti una discusioni... A sì sicuri de avere ragione? Lo savì il proverbio: "El mona sa tuto...", ricordeveo. Invesse de far polemiche, deve da fare a dar na man ai coleghi, ca ghi n'ha bisogno. Poi, a casa, ve speta bee sodisfasion, anca coi morosi...
Scorpione: La sarà na stimana piena de bee sodisfasion, cari, sopratuto in tel sgobo, dove gavarì dei bei sucesi. Se sì single e sì in cerca, podaria eserghe robe interesanti al'orisonte: uscì però, ca no xe mia vero che l'ammor sona al campaneo...
Sagittario: Pronti par fare nove amicissie? Le stee dise ca rivarà persone nove in tea vostra vita e porterà robe positive. El merito xe anca vostro parchè, finalmente, a sì in bona e no ispidi come el soito. Podarissi anca trovare la solusion a un problema ca se trassina da tempo.
Capricorno: A sì un fià stufetti de un po' de robe, sia in tel sgobo che coe relassioni personai, ma ocio a farve ciapar da l'istinto, ca no xe gnanca roba par voialtri. Tirè el fià e pnseghe ben prima de tore zerte decision. El weekend cerchè de rilasarve.
Acquario: Sto giro a sì furbetti e sarà la tattica giusta per risolvere un po' de rogne ca ve tirè vanti da un po' de tempo: le solusion ca gavì in mente le xe giuste. Rivaraà anca schei e magari concedive qualche lusso in tel weeked, ve lo sì merità.
Pesci: Disemo ca no se periodo par ragiungere i obietivi in tel sgobo. Mejo star chieti e studiar ben le tatiche ca lanciarse alo sbarajo. Dedicheve all'ammor, ca queo el va ala grande, sopratuto nela seconda parte dela stimana.
