rotate-mobile
Cronaca

Oroscopo vicentino dela stimana dal 30 majo al 5 de giugno

El strologo ga dato reta al meteo e no se mia andà al mare de domenega e gnanca in volta par sagre e sentieri ma el ga trovà lo stesso modo de perdar tempo e sa ga ciapà all'ultimo e ne ga detà l'oroscopo tramite so sia... vedì voialtri

Ariete: La sarà na bona stimana sia in tel sgobo che co la fameja e coi amici. A sarì sereni e se gavì qualcosetta da portare a termine o baruffe da finire xe el momento giusto. Se fasì ponte, na vacansetta la ghe sta ma vardè el meteo prima.

Toro: Xe el momento de lanciare l'attacco finale (metaforico, eh) e de arivare al traguardo par primi e vincenti. Quindi, no tacchi a spillo, sopratuto par i omini, e scarpini bel alacià par lo scatto finale. El weekend se preannuncia molto hot... tra i linsoi. Birichini!

Gemelli: Sta stimana no ve bate nisun in ninte. Ciapeghe dentro sia al sgobo e profitè del ponte par far ndar fora de testa i morosi, ca no i vede l'ora. Fasì le valige e godive el weekend all'aperto, quindi ste tenti a zercar un posto dove ca no piove. CIN!

Cancro:
Xe el momento de no eser timidi e modesti e de cercar de trovar un lavoro o una posision mejo. Anca coi morosi la va ben e i single i gavarà qualche sodisfasion in tel fine stimana, o anca par tuto el ponte, se lo fasì. Ocio ala forma, ca la prova costume la se visina e ve sta ben solo le savatte

Leone: Mejo sta chieti, la xe mia la stimana giusta par far casin al sgobo. Dedicheve ala fameja e ai morosi pitosto e zerchè de no far massa polemica anca con luri, ca no i centra ninte! Ascoltè el consijo de un amico fidà: el ga rason. 

Vergine: Marria santa, xe fadiga starve drio sta stimana! A sì ativi che metà basta e fasì vegner el sgranfo a chi che ve sta intorno. Aprofitene par far le commision ca gavi lassà indrio così ve cavè dale tole e no rompì i maroni ai altri

Bilancia: Xe el momento de far quee robe ca no ve vien bene quando ca sì massa stresà: xe un periodo tranquio e saria ben ciaparghe dentro. Se podì, organisè anca un bel weekend coi morosi o co la fameja: li gavì un fiatin trascurà

Scorpione: La sarà na stimana "no" e l'unica maniera par prevenire i casin xe... fare el giro largo. Zerchè de fare el manco posibile, deve malà, ste in leto e spetà che la sfiga a passa. Quando la xe cusì, la xe cusì. 

Sagittario: Hm, no ste complicarve massa la vita in sta stimana parchè incasinar su tuto xe n'atimo. Pitosto dedicheve ai morosi e ala fameja, ca li gavì un fiatin trascurà. Magari ciapeve el ponte e andè a fare un gireto da qualche parte, ca ve lo meritè anca.

Capricorno: Senteve: ghe sarà el lieto fine. Lo so ca no xe roba par voialtri ma le stee dise cusì. Prepareve a una sorpresa, a eser felici e a sorider parfin: anca se no lo gavivi dito a nisun xera proprio queo che volevate da tanto tempo. 

Acquario: Aprofitè dela prima parte dela stimana parchè el weekend nol andarà mia come da vostri progetti: massa ottimismo. Concentreve in tel sgobo parchè coi morosi la sarà una baruffa continua: mejo evitare. 

Pesci: A gavarì da far lo slalom tra i casini pì diversi ma, fideve, a sarì boni de sgusciar via ben. Gli imprevisti ve lassarà un po' de nervosismo e fare le valigia par el weekend o, mejo, pal ponte sarà la roba mejo.

In Evidenza

Potrebbe interessarti

Oroscopo vicentino dela stimana dal 30 majo al 5 de giugno

VicenzaToday è in caricamento