Oroscopo: come vignerghine fora dal 15 al 21 de febraro

Ariete: Xe ora de tajare i rami sechi, cari, se volì ndar vanti coe robe, parchè voialtri ghe sì, altri manco. Quindi deve da fare, che in te sgobo le prospetive le xe bone. L'amor? A festegerè San Valentin tuta la stimana... A Sanremo: "Semplicemente" dei Bluvertigo

Toro: Ste tenti alle gaffes, ca xe periodo: se sempre mejo tasere, ca no se sbaja. El sgobo va ben ma ghe xe anca boni margini de mojoramento. Quei imorosà i sta ben, i single anca e i amici ve voe ben. Ocio ala casa ca gavì no gatini ma tori de polvere in volta... A Sanremo: "Vincere l'odio" de Elio e le Storie Tese

Gemelli: Xe el momento giusto par goderse la fameja, sopratuto nei primi giorni dela stimana. Non desmentegheve però de ndar anca fora, parchè el vostro solito fassino trovarà terreno fertile... Ma ocio a no esser massa distratti! A Sanremo: Francesca MIchielin: Nessun grado di separazione

Cancro: Podaria eserghe bone notissie in tel campo finansiario, quindi contenteve se le robe coi morosi e co la fameja no le va benissimo anca perchè le stee ga in serbo robe beissime par voialtri in tel fine stimana... A Sanremo: Rocco Hunt: Wake Up

Leone: Finalmente la riva quea botta de cueo ca, certe volte, xe necesaria par far funzionar le robe, anca parchè, in sto periodo, casini ghin'è asà e dopo ncora.Ghe sarà un fiatin de buriana sia coi morosi, che coi amici, che coa fameja... Ste chieti e dedicheve alla vostra belessa e ala vostra criniera A Sanremo: Dolcenera: "Ora o mai più"

Vergine: Sta stimana a darè il masimo al sgobo, anca pì del soito, se xe posibie. Un sacco e na sporta de responsabilità, ma anca de onori, ciò! Bon anca pai schei ma ocio a un fiatin de tristessa in tel meso: no ghe xe motivo! A Sanremo: Deborah Iurato e Giovanni Caccamo "Via da qui"

Bilancia: Nesuna nova, bona nova, se dise, e xe el caso vostro in sta stimana. A sì apresà da chi che conta anca se magari no ve lo dise... se sa come ca xe i capi. Verso el fine stimana podaria saltar fora qualche scassamaroni... se lo prendì pal verso giusto, podarisi avere bee sorprese A Sanremo Arisa, Guardando il cielo

Scorpione: Xe el momento de cojere i fruti de queo ca gavì semenà. Ghe sarà qualche problemin, ma no ste farghe caso e 'ndè vanti par la vostra strada. Coi morosi a sarì boenti ma ocio a qualche baruffa in fameja A Sanremo: Alessio Bernabei, Noi siamo infinito

Sagittario: Podaria ariva quela promosion o gratificasion ca sì drio spetare da tanto in tel sgobo e, magari, ghe xe spassio anca par qualche nova collaborasion. No ste badare ai inividiosi ca ve parla par de drio, el weekend sarà fulgido! A Sanremo: Patty Pravo, Cieli immensi

Capricorno: Bhe, a sì sta al top par pì de un mese, desso no ste lamentarve se le stee pensa anca a qualchedun altro. La va comunque bastansa ben, sia pai schei sia tra i linsoi, ma magari cerchè de eser un fiatin pì romantici... mae no ve fa. A Sanremo: Annalisa, Il Diluvio Universale

Acquario: In tel lavoro a sì i boss, no ghin'è par nisun sta stimana. Verso metà stimana podì anca concederve qualche aperitivo fora, parchè amici e coleghi ca piasere de star co voialtri. El weekend dedicheve a morosi e famieja, parchè mai come sto giro andarà tutto in armonia e felicità. I single podarà fare qualche incontro interesante. A Sanremo... scolteve altro ;-)

Pesci: Le robe le xe in cambiamento e forse no ve ne sì proprio acorti del tuto. Ste chieti e vardeve intorno, poi fasì le vostre valutasion.Sii sinceri con voi stessi e 'scoltè i consiji di chi ca ve vole ben. In tel fine stimana podaria rivare na sorpresa: bea o bruta le stee non lo dise... A Sanremo Valerio Scanu, Finalmente piove