Oroscopo: come vignerghine fora dal 13 al 19 aprile
Volì savere come sarà la stimana che riva? Lo 'strologo lo ga domandà ale stele anca se no se capisse come mai ogni volta chel vien ne voda la caneva
Ariete: Frivoli, frivoli, frivoli. Ve sentì in piena forma e no volì rinunciar a ninte ma no stè esagerar, se no magari qualchedun se incassa e podarissi perdere un uikend sotto el segno de l'ammmor.
Toro: Dai, vanti che le robe xe drio migliorar. Pì che un toro, a volte sembrè un miceto: ve piase le coccoe e se qualchedun ve gha molà, ghe sì rimasti mae. Le stee dise che ala fine del mese qaulchedun podaria veder tornar qualche ex. Ocio de non farve trovare imbiaghi, ca magarì sbaje el nome..
Gemelli: Cosa dirve, ve va ancora ben e saria il caso de ciaparghe dentro. Sto giro no mandè in mona nisun e parfin in fameja le robe le va ala grande. No desmetegheve dei quei manco fortunà: ofrì un giro a qualchedun dei pessi.
Cancro: Dai, tireve fora dala naftalina ca la primavera xe rivà! Deve da fare che la stimana la sarà bona e podarisi anca incontrar qualchedun ca ve vien drio. Prosit!
Leone: Ste chieti che fin desso ve se 'ndà tuto ben, e xe giusto ca sofrì un pocheto anca voilatri. Tanto xe l'anno vostro e gavì solo da aver pasiensa un atimin. Prepareve ca nel uikend sarì calienti come la Michela Morellato.
Vergine: Come ca va de moda dir desso, TOP CLASS. Xe un momento bon, anca se, precisini come ca sì, ris-cè de rovinar tuto par un fiatin d'ansia. Fevelo dir: andè in ciupese!
Bilancia: Gavì esagerà con qualchedun e no ve piase parhè no xe nel vostro caratere. Se non lo gavì copà, sì sempre in tempo a domandar scusa. Dopo stasì mejo. Se invesse sì andà so pesante, ve manderò le arance al San Pio X.
Scorpione: Ciò, cossa vuto ca ve diga, voialdrì dovì aspetr ca pasta la primavera, par voialtri sì maledetta, ma no ste tirar zò massa porchi, se no ve manda tuti in mona. Magari ofrì un giro, così i ve perdona.
Sagittario: Marria Santa, stasì boni co le frecie, ca non copè qualche dun. L'amor, se sà, xe na roba stramba e sucede ca dopo el diventa un "calesse", come el diseva el napoetan. No ste ciaparvea massa, esser singol no xe mia na vergogna.
Capricorno: Incredibie! Sto giro podarisi anca avere un fatin de "fattore C", ca par voialtri xe na rarità. In sti giorni qualchedun ve ga roto i maroni, ma dovaria scomparire come che xe rivà. Benon.
Acquario: Come se dise "calma e gesso". A sì strachi (se sa, el cambio de stagion...) e se mejo che fasì el manco posibie, se no ri.cè de far danni. Senteve sò e bevì un giosso de qualcosa de bon, magari co un libro in man, ca non fa mai mae.
Pesci: No xe proprio la vostra stimana. Ve piasaria cambiare ma ris-cè de finir dalla padea ala brase che, anca se il pesse me piase, anca no. In tel lavoro e coi morosi dovì darve na smossa e se ghavì da dir qualcosa a qualchedun, no ste a rimaner muti, se no esplodì. Mejo ca bevì tè, ca se ve imbiaghè ve ciapa la sbornia cativa.
