Oroscopo vicentino par la stimana de ferragosto

Ariete: Sto giro se non sì boni de otignere queo ca volì xe solo colpa vostra. Le stee dise ca ve da na man par farve fare el salto de qualità ca gavì cercà da quel dì. Do robe: ste tenti a queo ca volì e a non saltar in... tel foso.

Toro: Alora, no se stà un periodo fasile par voialtri, le corna ve pesava pì del soito e non gavì vudo la vostra solita forsa. Le robe podaria ndar na s-ciantinea mejo ma ve conisjo de cambiar menù: se magnè sempre spoci par la prova costume ve starà ben solo che le savate

Gemelli: Xe desiamente el periodo vostro. Sto giro ve consijo de dedicarve ai morosi parchè sprigionè un fassino particolare, anca se co sto caldo spusè un pocheto. Na roba bona podaria eser de scomisiar a vardarve al specio con n'atimo del ocio: pì bei no diventarè ma a ognun ghe piase la so simieta. 

Cancro: Ehm, forse ve sì mia acorti che ghe xe na persona lì visin ca ve voe ben veramente (il parchè non se sà) e voilatri no ghe gavì pensà par ninte. Xe il momento giusto de dedicarghe n'atimi de atension e ve giuro ca no ve ne pentirè mia. 

Leone: No sì el mejo segno del la stimana ma no se pol certo dir ca no ve la va ben. Sarà na stimana fatta par l'ammor, co le stee cadenti ca ve dà na man. Se gavì morosi, fè i romantici con quei, che la pasion va nutrita, se sì single xe el momento bon par provarghe con quea persona ca ve pareva imposibie. Sensa farla imbrigare, magari. 

Vergine: Sarà le vacanse, ca no gavì da pensar al lavoro e far le secie precisine come al solito, ma sto giro a sì bombe sexy. Xe el momento de divertirve, de darve alla "pazza gioia" come ca dise i seri. E no ste fare i taccagni: comprevea na botija de bone bollicine, magari champagne ca xe romantico

Bilancia: Scolteme mi, inisiè in scioltezza, con un paio de seratine relax parchè dopo sarà tuto un turbinio de feste e festoni. Deghe drento, anca se poi la matina gavaè mal de testa, parchè ve servirà par afrontar setembre. 

Scorpione: Finalmente quela persona ca no gaveva de mejo da fare ca romperve i cojoni la se ga cavà dai pie. Desso xe el momento de rilasarve prima e de divertirve poi. Il consijo xe de far la valigia e ndar a fare un viagio: chi parte gavarà bona suerte. 

Sagittario: Alora, sarà n'inisio de stimana un fiatin arduo parchè a sì assillà da dubi pesanti e la situasion no xe mia massa semplice. Queo ca ve sugerise le stee xe de vardar oltre le apparenze, parchè ghe xe qualcun ca voialtri considerè mae ma che podaria darve na gran man. Ocio a catare quea giusta! El weekend, in compenso, el andarò ala grande.

Capricorno: Dei. Dopo ste stimane decisamente pesanti, se scominsia a respirare. El ferragosto xe periodo de feste e se ora ca scominsiè a divertirve anca voilatri. Sicome ve conoso, ve sugeriso de vedare i party come na roba utile par la vostra salute, così ve impgnarè anca in queo. E se la matina no stasì massa ben ghe se sempre l'Oki.

Acquario: Alora, anca par voialtri xe il momento de lasar da parte i pensieri e le preocupasioni e de rilasarve n'atimo. Single impenitenti i xe a ris-cio: ocio a con chi andè a vedare le stee, podarisi trovarve incastrà pal resto dea vita...

Pesci: Decisamente no xe la vostra stimana. No digo de sararse in casa e butar via la ciave ma... quasi. Se ndè fora coi amici, serchè de scegliere quei pì chieti, parchè la barufa xe lì ca ve speta. El cosijo ca ve do xe de cercar de pensar ae beghe manco posibie.