Oroscopo vicentino dal 7 al 13 novembre
Lo strologo xe andà a verdarse la mostra dei Lego a Schio e con tuto el tempo che ga pasà in coa ga vudo el tempo de scriver zò le prevision par la stimana
Ariete: Podaria eser na bona stimana, ma gavì da svejarve fora...Scantabauchi, xe dise. All'inissio podaria eser un po' duretta ma no ste darvi par vinti. Pitosto ca far guai, però, xe mejo se fasì ginastica.
Toro: Ve lo digo subito, ghe sarà qualche casin da risolvere e ocio ca el tacon no sia pegio del buso. Se ghe xe qualchedun ca ve da fastidio, mejo se ste ala larga ca no gavì mia la luna bona. Portè pasiesa...
Gemelli: Molto ben, sopratuto le relasion coi altri. A sì dolci, carini e tuti ve voe ben, in particolare chi savì voialtri. Xe el momento de tirar fora el vostro lato romantico e gavarì pì de qualche sodisfasion.
Cancro: Satsì boni, par carità, se no sto girò copè qualchedun. Le stee ve consijia de far sù la valigia e farve un giro, magari anca par lavoro. Podarsi trovare qualche bon affare dove ca no gavarisi mai pensà
Leone: Sta stimana mejo ca ste chieti parchè xe previste un po' de rognette e col caraterin ca gavì podarisi far ancora pì casin. Portè pasiensa parchè el weekend andarà ala grande
Vergine: Metemoa cusì: in tel lavoro andarà tuto ben e gavì tanta energia ca sembrè el pendolin Laverone, rivarà anca bee sodisfasion economiche. Coi parenti, mororsi e amici zerchè de star chieti se no sto giro a finiì in ciupese par davero
Bilancia: Molto ben, sta stimana andè d'acordo con tuti, sia in fameja ca in tel lavoro, anca se ghe sarà qualche rognetta, ma voialtri superararè tuto. A sì anca bei vivaci...
Scorpione: La sarà la vostra stimana. Tante bee sodisfasion in tel sgobo e anca coi amici e coi morosi. Se sì single, xe il momento de agire co la persona ca ve piase o de 'ndar fora a fare amicissie. CIN!
Sagittario: Ocio! Ghe xe qualche dun ca trama drio le vostre spale! Movive con prodensa, anca se gavarisi voja de spacar su tuto. Tignì duro ca nel fine stimana la va un fiatin mejo
Capricorno: La vostra proverbiale pasiensa la sarà finalmente premià: l'obietivo ca ve geri prefisà xe a portata de man, sia in tel lavoro ca coi morosi. Le prove le sarà superà... ben!
Acquario: Marria santa ca stimana ca gavì. Le bae le ve girà a na velocità stratosferica ma zerchè de portar pasiensa parchè el fine stimana ga in serbo gradite sorprese...
Pesci: E bravi i me pessetti. Sta stimana a sì bei frizzantini e tuti ve voe ben e ga voja de star co voialtri. Ve convien ciaparghe dentro parchè da venare le robe le sarà mia cusì bee
