Oroscopo vicentino dal 22 al 28 agosto

Ariete: Se finio el tempo de sugatolare. Desso gavì da meterve seri e impegnarve in queo ca volì veramente ma, come se dixe, ocio a queo ca domandè parchè ris-ciè de otenerlo. El me cosijo xe de barufar manco coi morosi, se no ve torvè altro che coi corni...

Toro: Dai, la sfiga xe pasà e podì tirar fora qualche soriseto, soprattutto vardando i schei che (pare) ve podaria rivare. Par vader cresere el conto in banca, parò, dovì almanco alsarve da leto... Se si in certa de l'anima gemea, ste tenti parchè i caldi de sti mesi podaria averve scompensà...

Gemelli: Xe la vostra stimana e fasì parfin fastidio da quanto ve la andrà ben. Unica roba xe ca dovì concentrarve ben su l'obiettivo, se no ris-ciè de trovarve co un prosecco quando ca volì un mojito. I xe boni tuti do ma no xe mia o steso. La va ben anca in tel lavoro ma sì talmente fortuna ca le stele ve consija de spetar setembre. Quindi, soto coe feste!

Cancro: L'umore va sù e zò ca gnaca a Gardaland. Le stee xe drio metarve ala prova e queo ca xera certo, desso lo vedì come un punto de domanda grande come na casa. No ste spaventarve e serchè te trovare nove solusioni. Mal chea vada, cambiè bar. 

Leone: Ah benon. Le stee dise ca il vostro pì grande suceso de la stimana sarà nel riposarve. E ve lo meritè anca parchè le baruffe dele ultime stimane ga lasà dei strasichi, parchè non si mia persone masa sensibili ma gnanca piere. Ste chieti. 

Vergine: Cari i me secioni precisini, sto giro ve riva tute le sodisfasion ca meritè. E mi so anca contento par voialtri, ca sì sempre drio farve un cueo cusì e gnanca un can ca ve diga grassie. Un consijo, prima ca ve dè alla pazza gioia: non ste farve la tresca con i morosi altrui... no xe sano...

Bilancia: Anca par voialtri, sta ultima stimana de agosto la sarà foriera (eh?! so anca colto...) de tante robe bee e divertenti. Sopratuto a podarè finalmente superare quei problemini ca ve ga tormentà tuta l'istà. Ocio a no perdarve in discusioni inutili, le robe se risolverà da sole

Scorpione: Se sì tornà al lavoro, la sarà na partensa sprint e farè subito vedare ca le vacanse ve ga fato no ben, de pì. Parfin chi ca ga vudo na crisi, el podarà finalmente mostrare queo che vale. Vanti, dai, ma ste tenti a qualcun ca cerca de sedurve e no xe mia la persona giusta... 

Sagittario: Xe rivà el momento de farve la lista de tute le casade ca gavì combinà. E no le xe poche. Quindi ciapeve el tempo ca ve vole, parchè se no continuarè a farle e la gente podaria stufarse. No ste agitarve ca poi le robe le se indrissa: cerchè de aver fiducia in voialtri

Capricorno: La scorsa stimana a sì sta el segno top, desso contenteve de ndar vandi a paseti picolini ma decisi. La roba stranissima xe ca ve sentirè ottimisti... sì, gavio leto ben e so mia ubriaco, ottimisti. No ste spaventarve, poi pasa... Xe el momento bon par cambiar lavoro: valutè proposte. 

Acquario: Ne persona fascinosa xe in agguato ma la xe mia pericolosa, ansi. Ve darà boni consiji par afrontar l'autuno e ve farà divertir. Ocio parò a non esagerare: cerchè de star chieti e de spetare, le robe le rivarà, ma non desso. 

Pesci: Stimana chieta, quel che ghe voe par riciaparse dai festoni ca gavì fato in ferie, birichini ca non sì altro. ve serve anca un atimin de riflesion, parchè sì confusi su quai xei i obietivi. Quindi, evitè i bar caotici e feve na bozza de "riflessivo" a casa.