Oroscopo dea stimana
Par cavarse fora dall'afa lo strologo xe sta al mare e là le stee se vede benissimo... Speremo che nol gabia bevù massa mojito
TERA
Toro: Sta stimana no gavì rivali al lavoro. A forsa de tirat cornade a destra e a sinistra, ve sarà vignù el torcicolo ma i risultati i xe rivà, con buona pace dei invidiosi. Ma no podì aver tuto: prevedo noti pasà a vardar la copa america. Fasivene na rason.
Vergine: Aaaaaaah, finalmente a sì al top. I vostri sforsi precisini e pedanti da i so fruti in tel lavoro e (incredibie!!!!) anca con quel santo o santa ca ve soporta. Aprofitè del uikend par dar do colpi, ca va sempre ben.
Capricorno: Le difficoltà le xe tante ma sto giro no gavì rivali. L'unuca roba, ca par voialtri xe dura, lo so, xe ca dovì armarve de pasiensa. Se ghe a fè, sarà na stimana beissima.