Oroscopo dea settimana
Tra un exit poll e l'altro, lo strolgo ga trovà anca el tempo de vardare cosa che dise le stee par sta stimana
TERA
Toro: Oh, ma sì na sfiga continua! Anca sto giro no ve ne va una giusta, ma xe colpa vostra parchè se sbajè na volta no xe mia colpa vostra, ma se 'ndè vanti sì mona. Tignì duro, da la stimana prosima dovaria ndar mejo e forse torna anca l'ammor. Tanto i corni li gavì de vostro.
Vergine: A ve sì ciapà n'atimo indrio, sgoboni e precisini come sì, ma Cupido xe rivà anca par voaltri. Sentì l'istà e podì tirar fora dala cantina i morosi, sempre ca i sia ancora vivi.
Capricorno: Nì. Come sempre a sì un fiatin scarcabarile, no va ben. Se le robe no e gira xe anca colpa vostra, sì onesti e no ste ciaparvea col gato. Se anca la va giusta, ve sentì soto presion: l'importante xe ca non rompì i maroni a tuti.
